الأحد، 30 ديسمبر 2012

يوم تحديد المهر

27-12

طلعنا الصباح ساعه 9 ونص ولبسنا مصار في البيت
وراح معي بالسياره امي وموزه وشمسه ومهند
سيارة مانع هو وزوجته
سيارة حارث هو وابوي
سيارة حارب هو وزوجته و بناته وعمتي شيخه

وصلت قبل وانتظرت مع دوار القصر واجت شرطه خبرتني اتحرك ورحت لشيشه ووصل حارب ورحنا

دخلنا وجلسنا وبعدين رحنا نصلي وقبل الصلاخه رسلت شمسه مسج تقول 5الاف وساعه وطقم ودبله
صلينا ورجعنا والتقينا بالعم ناصر و العم هديب و ابن عمهم والجد سواد و فيصل ولد ناصر وتغدينا

طلعنا ورحنا الكورنيش بعدين رامز وانا رحت اتمشى شاطي السيب وبعدين رحنا السيح الاحمر نزور عزاء بنت ريا
التقيت بالسعدي و طاح المطر واحنه طالعين
كانت الرؤيه صعبه وامي تنظف الجامه عشان اشوف
و صلنا العق وخف المطر وصلينا في الجرداء 

الأحد، 23 ديسمبر 2012

اخوي حارث رزق بمولود سماه زيد..وزيارتي لطائيين

قبل شهر رزق حارث بمولود سماه زيد في مستشفى المرجعي ابرا

ويوم الخميس الماضي 20-12 رحت انا وامي ورحاب لزيارة ورده

خليت امي ورحاب في بيت عمتي ورحت اجلس في شيشه بمحلاح

ولما رجعت اخذهم دخلت اسلم ع عمتي ورورده ومسكوني للقهوه

زيارتنا الاولى لملعب الجولف

الاثنين الماضي تاريخ 17-12-2012
 رحنا نشوف تركيب الاثاث في ITA

وبعدها رحنا ملعب الجولف جلسنا وشربنا قهوه والجو كان بارد شوي وحلو

وكانت القاعه متروسه شوي شكلها شركه تحتفل لشئ ما

الأربعاء، 5 ديسمبر 2012

امطار و رحلتي لمسقط

يوم الجمعه 30-11 وانا طالع من البلد الى مسقط
هطلت امطار بداية من العق والى ان وصلت الخوض
كانت امطار قويه ومستمره والرؤيه كانت صعبه

اتابع مشروع الدقم

امس بديت اتابع مشروع ميناء الدقم وكيف ماشي الشغل هناك واليوم رحت بعد

حاليا في مرحلة تركيب الفواصل الجبسيه

ردوا علينا بالموافقه

يوم الجمعه اتصلوا في امي خبروها موافقيين ..وانا كنت لحظتها ادور بسيارتي في العود (منطقه نهاية الروضه)

رحنا سداب مع الاهل

يوم الخميس 15-11 رحنا سداب عشان نخطب
رحنا سيارتيين سيارتي وعي امي وابوي و سياره حارث معه مانع وشمسه ومهند
وصلنا وتعرفت على ابراهيم والعم هديب و الصغير سالم

تعشينا وبعدين رجعنا البلد و وقفنا نصلي في الجرادء وشمسه رجعت معي